A Poem

A Poem.

Aye..anywei..ah wuz thinkin’ o’ writin’ this poem

Jist aboot whit’s gawn thru’ ma heid..y’ken?- jist

Thoats an’ that..pittin’ thum doon oan papur.

Even goat a pen ready in aw- dedd prufeshunul like.

But- it’s funny..’cause it’s no as if it’s anythin’..like

Importunt- jist aw soarts o’ ideas an’ that- y’ken?

An’ it seems weird sayin’ it’s poetry- like,,’cause

It’s jist rubbish really- the wei wi think aboot stuff.

So anywei- ah wuz gonny write it aw doon- intae wee

Verses an’ that- no rhymin’ stuff or nuthin’- ‘cause

Aw that seems soarta iffy- y’ken? Tears ‘n fears an’

Skies above an’ love- ach! Yi ken whit ah mean- eh?

Right- so ah wuz ready tae pit it doon- jist write it

As it comes- y’ken? Bit ah felt a bit daft- ‘cause

thur wuz  nane o’ thae mettafurs an’ similies.

Y’ken? Yon weird names- litotes- like wee feet- eh?

An’ whin ah thoat aboot it- ah mean- how wid it look

Oan the papur. Ah thoat- whit’ll peepul think- eh?

‘cause yi think o’ poets like Rabbie Burns an’ that

Or thae metafisikal guys- Keats an’ Shelley an’ that.

Ah ken thut the day thur’s loadsy uthur guys an’

Some o’ thur stuffs awright- y’ken? That dub stuff

Or even that auld guy- Betjumin. He wuz awright.

Ah even fun sum o’ his stuff funny- in a wei- y’ken?

Anywei- thur wuz aw this uthur stuff tae- meturs an’

That- anapaestic or sumthin’- an’ iambic feet- Christ!

If ah hud them- ah’ think ah’d go an’ see a doactur.

So ah thoat- it widnae be right an’ ah jist didnae bothur.