Brodies swansong arrives in nae time. A setup like this yin takes time, preparation. That’s what separates the professionals fae the cowboays. Furget aw that pish yuv witnessed in the flicks. Yae see, takin a life is as easy as drinkin a nice gless ae vino. The challenge is creatin an opportunity tae pull the trigger, so tae speak. Ah purposefully chose this large and empty warehoose that lies at the edge ae Leith Docks tae perform the deed. Simply cos it’s oaff the grid which means nae randoms kin don their capes and transform thumselves intae a gid Samaritan. Normally this is the spoat that ma guys yaise tae unload and distribute oor product fae the continent. And this fuck might be filth, but Brodie’s been involved in the game long enough tae ken yae dinnae turn yur back oan a soul…especially yur ‘mates’. Apart fae bein a dirty rapist scumbag this pricks mapped oot himsel a rep fur bein ‘trigger happy’. And if a starvin rat is cornered, then you better believe the horrible wee cunt will come oot fightnin. Ma only concern though is that Matty hus done suttin stupid and developed a conscious by scarin awey ma target. But surely if he wants tae commit suicide then he’s smart enough tae realise a noose aroond his scrawny neck is far less painful than the blowtorch and machete ah will personally introduce tae every inch ae his boady if he fails tae deliver. Yin glance at ma watch tells me it’s jist aboot tae turn 7.30pm. Ah’ve goat two heavy hitters stationed at the massive pair ae entrance doors waitin fur their car tae roll up. It’s been a baltic and dark night and ma teeth are startin tae chitter a bit.
Finally, efter another five minutes oan the cloack ah kin hear wheels screechin ootside follaed quikcly by two beeps ae a horn. Ah signal fur they’m tae start unboltin the two 16 ich thick deadbolts. Yince the doors are wide open this shitboax ae a car pulls intae the sprawlin open plan bay. A fuckin rust bucket that looks like it’s in desperate need ae the kiss ae life. At first the heidlights are blindin but yince the engine stopas and the hing shuts ah kin see clearly who’s inside. Matty’s the yin in chairge ae the steerin wheel and oan first impression looks as if he’s still ridin the wave ae Arabian powder. In the passenger seat is naine other than the catch ae the week. The mutt is jist how ah remember him tae be, eh? a steroid junkie wae a puss fit fur the radio. He’s goat a Yankees cap planted oan his nut and ah reckon this is his attempt tae bypass the polis’s watchful eye by becomin a man ae mystery. Matty’s the first clown oot the circus tent and straight awey it registers he appears even maire bone thin than usual. The dark circles aroond his eyes and decayed teeth sing the anthem ae someboady who’s been chasin the dragon aw acroass the capital’s war torn hoosin schemes. This fanny is actin jumpy and paranoid by constantly lookin oor his shoulder. Understandable, eh? since he’s awready been gien a spoiler alert oan the finales endin. Thankfully, him bein in such nick hus become a tradition which prevents Brodie fae smellin foul play.
Tae settle any jittery nerves ah glide along their line in gid spirits. Dain ma level best tae lullaby Brodie intae a false sense ae security by gladly exhangin a warm handshake wae him. Along wae an even friendlier smile.
Tae settle any jittery nerves ah glide along their line in gid spirits. Dain ma level best tae lullaby Brodie intae a false sense ae security by gladly exhangin a warm handshake along wae an even friendlier smile.
‘’Aldo it’s gid tae see yae, mate’’ he proclaims. In what is his distinctive gravelly voice. ‘’Thanks fur makin this happen’’
‘'Nae thanks necessary’’ ah reassure him. ‘’It’s been a minute, eh? The polis are pittin a tight squeeze oan oor operations. It’s best fur everycunt involved that yae slip awey quietly intae the night’’
Matty finally finds his voice again when he quietly pitches in wae a subdued ‘’Nice tae see yae again, Aldo’’
His partner in crime appears jumpy and paranoid when he peeks oor his shoulder. Only tae find ma lads floatin behind thum. Ah kin see the self doots painted acroass his eyebaws. This is when ah decide tae stomp oot the fire before it spreads.
‘’Dinnae worry aboot they’m’’ ah quickly play it doon. ‘’These fellas here will be the yins responsible fur gittin yae acroass tae The Dam’’
A piece ae information that seemingly soothes oor his concerns. Since his eagerness tae git this show oan the road overcomes him.
‘’So, how exactly does this work, Aldo?’’
Ah immediately rest ma hand oan his broad shoulder ‘’Dinnae worry. Everyhing is in place. Just trust me eh? yur oan the haime straight. We’re simoly waitin oan a caw tae arrive. Be any sec noo tae, likes. Confirmation that the boat’s arrived. And yince yur aboard ma lads will git yae acroass tae Amsterdam. Fae there the arrangements huv already been made. Tae sneak yae intae Mexico, ah mean. Nice and easy"
The relief washes doon his puss and his boady language turns tae a far maire relaxed disposition.
‘’Since we’ve a few minutes tae kill, though. Kin ah ask yae suttin? Suttin that’s been botherin me?’’
He eagerly nods, even before ah finish ma thoat,
‘’Why did yae rape that lassie?’’
Tae which a sinister smile emerges acroass his rough mush, ‘’Nae reason. Well, other than fur the pure sport ae it, of course’’
‘’And are yae packin?’’ ah fire back at him
‘’What dae yae hink?’’
These words are serve as nuttin maire than a cue fur yin ae ma boays tae grab him by the back ae the neck. And he does it whilst his accomplice pulls oot a small pistol stuffed inside his coat.
‘’What the fuck is this?’’ he pleads, desperately. Tryin aw he kin tae wrestle free fae the grip ae these monsters.
‘’Change ae plan, eh? Brodie ma boay’’ ah cheerfully inform the mutt. ‘’ The only ticket ah booked fur you wis a yin wey yin tae the boattom ae the ocean’’
Matty, at this point, hus taken a few steps back tae distance himself fae the scuffle. Until he cautiously steps forward.
‘’But kin ah go noo, Aldo?’’
Brodie’s roid rage kicks intae full velocity yince the penny droaps ‘’Ma ain fuckin cousin! yur fuckin deid ya a little bastard!!
‘’Save it fur the fish’’ ah tell him, shootin doon his pointless threats. ‘’Aye, that's right. Oan yae go Matty, son’’
Brodies very ain judas makes a dash fur his motor. Cunts that desperate tae escape the situation that he doesnae even turn back tae apologise tae his cuz fur the betrayal.
Ah observe him reachin the driver’s door. Then ah remember, eh? there is yin final boax still left tae tick oaff.
‘’Matty’’ ah shout oot. '‘Yin final detail we need tae clear up, though?"
He instantly turns aroond tae follae the direction ae ma voice. Remainin glued tae the spoat. Awaitin me tae reveal aw. Ah saunter acroass tae him and jist when he’s within range. Ah produce a shooter that’s tucked in ma back waistband. And before he kin begin tae plead fur mercy the triggers pulled. A shot which lands straight intae the centre ae his foreheid. His nut bursts open and the claret pours oot like water fae a fountain. Efter which his lifeless boady hits the deck. Ah calmly walk along tae his position where ah make ma apologises.
‘’Ah’m sorry, mate. Nae loose ends’’ ah utter before unloadin three maire slugs intae his melon.
Pieces ae his skull and brain lay splattered acroass the dirty flair. Aw the while ah kin hear Brodie greetin and swearin repeatedly behind me. Soonds ae punches are palpable as ma boays git tae work softenin him up. When ah stuff the piece back intae its rightful haime ma attention lands back oan the star ae the show. Where ah see that this lowlife hus droapped tae his knees, completely overpowered and restrained.
‘’Sooner or later, ah’m gonnae kill you,’’
His pathetic warnings unrae worth a second thoat never mind a reaction. Ah gesture fur him tae be helped up tae his feet.
‘’It better be soon, eh?’’ ah cooly make known, gazin intae his lifeless eyes. ‘’Cos there's nae later fur you. Believe me, eh? Yur gonnae wish yae went quick like Matty. There’s a boay waitin upstairs fur yae who’s goat maire toys than Rambo and he cannae wait tae practice oan yae. Does the name Sunshine ring any bells?’’
The courage and confidence quickly drains awey fae him. And the unmistakable sense ae sheer terror in his eyes speaks volumes.
‘’Please, Aldo’’ he begs. ‘’Kill me if yae want. But dinnae hand me oor tae that sick fuck. Ah’m beggin yae!!’’
‘’Ken’’ ah ponder aloud. ‘’Ah almost feel sorry fur yae…almost.’’. Ah then prompt ma knuckle draggers tae take him awey tae sunshine’s lair. He's dragged awey kickin and screamin. Clingin oan fur dear life up the flight ae steps.
By this time some members ae ma crew huv emerged fae the office tae clean up the spilt blood. They’ve goat the chains and weights at the ready fur Matty’s burial at sea. Ah decide tae task trigger Mike wae disposin ae his motor at Lou Lou’s scrapyaird. But ah make it clear tae him tae follae the highway code cos the last hing we need is tae gie PC Plod an excuse tae pull him oor.
Yince he’s oan his travels and ma other helpers are graftin awey tae make this incident a memory. Ah stroll ootside fur a breather as well as tae ring up Arthur yaisin a burner phone tae confirm the task is complete. Yin ring is aw it takes fur him tae pick up and ah keep the message shoart and sweet.
‘’It’s done’’
