Deal or No Deal

Whit d'ye want, mate
Whit d'ye want
Aye, Ah've got some
Much d'ye want
Whit d'ye mean how much
It's the same as always
Ye want a discount go tae Asda

There ye go, ma man
There ye go
Ye'll no regret it
It's pure as fuck
Best in the toon
Gerrit doon yer neck
And dance tae ye drap

Whit’s up noo, big chap
Whit’s up noo
No feelin nothin
That’ll be right
Stop acting the dick
Get yirsel tae fuck
Yer startin tae piss me aff

Ye lost the plot, son
Ye lost the plot
Get oot ma face
Yer causin a scene
If ye get us the jail
Yer a fuckin dead man
Dae ye hear whit Ah’m sayin

Couldnae care less, cunt
Couldnae care less
Ah don’t give a fuck
Who ye think ye know
Ah’ll still cut ye
Dae ye like a kipper
Ye’ll soon know who the fuck Ah um

Noo yer talkin, bud
Noo yer talkin
Joost the wan mer
Ye sure that’s aw
Ye’ll no regret it
Same price as last time
Nae three for twos here

That’s the stuff, big fella
That’s the stuff
Nae mer whingein
Ye’ll soon be up
Gie me a shout
When yer back doon
Ye know whit’s good fur ye

Ye feel it noo, John
Ye feel it noo
No moanin noo, eh
There’s a tune fur ye
Wan a ma faves
Get yirsel oan that fler
And gie it laldy

Here we, here we, here we fuckin go